மொபைல் நம்பரை ஷேர் செய்யாமல் ரகசியமாக சாட் செய்ய உதவும் 7 ஆப்ஸ்!

 

மொபைல் எண்ணுடன் நிறைய விஷயங்கள் இணைக்கப்பட்டுள்ளன - ஆதார், வங்கி கணக்கு, வருமான வரி, அனைத்து வகையான சாட் ஆப்கள், உங்கள் கார் ரிஜிஸ்ட்ரேஷன் மற்றும் அடிப்படையில் உங்கள் முழு வாழ்க்கையும் உங்கள் மொபைல் எண்ணுடன் இணைக்கப்பட்டுள்ளது.

ஒருவேளை மோசடி செய்பவர்களிடம் உங்கள் மொபைல் நம்பர் போய் சேருவதை நீங்கள் விரும்பவில்லை என்றால், அடையாள திருட்டில் நீங்கள் சிக்கிக்கொள்ள விரும்பவில்லை என்றால், உங்கள் பணத்தை இழக்க விரும்பவில்லை என்றால், தேவையில்லாத அழைப்புகளால் உங்கள் நேரத்தை நீங்கள் வீணடிக்க விரும்பவில்லை என்றால், அதே சமயம் குறிப்பிட்ட சிலரிடம் நீங்கள்சாட் செய்ய வேண்டிய சூழல் அல்லது கட்டாயம் அல்லது தேவை இருப்பின் அதற்காகவே சில ஆப்கள் உள்ளன.

அவற்றில் சில உங்கள் போன நம்பரையே கேட்காது, சில உங்கள் மொபைல் நம்பரை கொண்டு லாக் இன் செய்ய நேர்ந்தாலும் கூட அது அந்நியர்களுடன் நீங்கள் சாட் செய்யும் போது அதை மறைக்க முடியும். சுருக்கமாக சொன்னால்... நீங்கள் "ரகசியமாக" ஒருவரிடம் பேச உதவும் 7 பெஸ்ட் ஆப்ஸ்கள் இதோ!

01. Wire Secure Messaging - மொபைல் நம்பர் தேவையேப்படாது!

வயர் செக்யூர் மெசேஜிங் உங்கள் மொபைல் எண்ணை வெளிப்படுத்தாமல் ஒருவருடன் ரகசியமாக பேச சரியான தளத்தை வழங்குகிறது. உங்கள் டெஸ்க்டாப்பிற்குச் சென்று, “https://app.wire.com/” என்கிற தளத்திற்குள் நுழைந்து, உங்கள் முதன்மை ஐடி அல்லாத மின்னஞ்சல் ஐடியைப் பயன்படுத்தி பதிவுசெய்து, தனித்துவமான ப்ரொபைல் ஐடியை உருவாக்கினால் போதும், ரகசியமாக சாட் செய்ய நீங்கள் தயார் என்று அர்த்தம். குறிப்பிட்ட ஆப்பை உங்கள் ஸ்மார்ட்போனில் பதிவிறக்கி பதிவுசெய்த ப்ரொபைல் கிரியேட் செய்யும் போது கொடுத்த மின்னஞ்சல் முகவரியை கொண்டு லாக் இன் செய்யலாம். வயர் என்பது ட்விட்டர் போன்றது, நீங்கள் பிறரின் ப்ரொபைல் ஐடிகளுடன் சாட் செய்யலாம், ஆனால் எந்தவிதமான மொபைல் நம்பர்களை பரிமாறிக்கொள்ளலாம்.

02. Telegram - ஆரம்பநிலை செட்டிங்கின் போது மொபைல் நம்பர் தேவை!

உங்கள் மொபைல் எண்ணைப் பகிராமல் தனிப்பட்ட முறையில் சாட் செய்ய உதவும் இன்னொரு தளம் தான் - டெலிகிராம். இது உங்கள் மொபைல் நம்பர் மற்றும் ப்ரொபைல் படத்தை வெளிப்படுத்தாமல் தனிப்பட்ட முறையில் சாட் செய்ய உதவும். செட்டிங்ஸ் வழியாக நீங்கள் உங்களை பற்றிய அனைத்து விவரங்களையும் மறைக்கலாம். டெலிகிராம் தளம், உங்கள் ஆரம்ப அணுகலுக்கான செட்டிங்கின் போது மட்டுமே உங்கள் மொபைல் நம்பரை கோரும்.

03. Discord - எந்த தனிப்பட்ட விவரங்களும் தேவையில்லை!

டிஸ்கார்ட் நன்கு அறியப்பட்ட ஒரு தளமாகும். இதில் உங்களைப் பதிவுசெய்ய அல்லது அதைப் பயன்படுத்த உங்களுக்கு தனிப்பட்ட "தரவு" எதுவும் தேவையில்லை. ஒரு ப்ரொபைலை உருவாக்கி, மற்றவர்களின் ஐடி-யை வைத்து நபர்களை ஆட் செய்யலாம், சாட் செய்யலாம். அவ்வளவுதான். இதற்கு மொபைல் நம்பர் உட்பட வேறு எந்த தனிப்பட்ட தகவல்களும் தேவைப்படாது.

04. ProtonMail - மறைகுறியாக்கப்பட்ட மின்னஞ்சல்!

நீங்கள் அநாமதேயமாக (anonymous) ஒருவருக்கு மின்னஞ்சல்களை அனுப்ப வேண்டும் என்றால், புரோட்டான் மெயில் தான் உங்களுக்கான சிறந்த இடம். இது முற்றிலும் anonymous செய்யப்பட்டுள்ளது, மேலும் உங்கள் தனியுரிமையை மேலும் அதிகரிக்க VPN-ஐப் பயன்படுத்தலாம்.

05. Google Meet - லின்க் செய்யப்படாத மின்னஞ்சல் ஐடியை உருவாக்குவதன் மூலம்!

மைக்ரோசாப்ட், கூகுள் அல்லது எந்தவொரு பெரிய தொழில்நுட்ப நிறுவனங்களிலிருந்தும் நீங்கள் எந்தவொரு சேவையையும் பயன்படுத்துகிறீர்கள் என்றால் உங்கள் தனியுரிமைக்கு ஒருபோதும் உத்தரவாதம் இல்லை என்றே கூறலாம். ஆனால் நீங்கள் ஆன்லைனில் டேட்டிங் செய்கிறீர்கள் அல்லது மிகவும் சிக்கல் இல்லாத விஷயங்களுக்கு அநாமதேயமாக பேச விரும்பினால், கூகிள் மீட் இந்த நோக்கத்தை சிறப்பாகச் செய்கிறது, ஆனால் அதற்கு நீங்க தனியாக ஒரு unlinked email ID-ஐ உருவாக்க வேண்டும்.

06. Skype - உங்கள் ஐடி வழியாகவே மற்றவர்களை ஆட் செய்யலாம்!

ஸ்கைப் இன்னும் ஒருவரின் ஐடியின் வழியாக அவருடன் சாட் செய்ய மற்றும் வீடியோ அழைப்பை செய்ய அனுமதிக்கிறது. இதற்கு மொபைல் எண்கள் தேவையில்லை. இது சற்றே பழைய தளம் என்றாலும் கூட இது இன்னுமும் வேலை செய்கிறது. ஸ்கைப்பில் மட்டுமல்ல, மேற்கண்ட மற்றும் கீழ் காணப்போகும் எந்த தளம் வழியாகவும் நீங்கள் மிகவும் சீரியஸான வேலையை செய்ய போகிறீர்கள் என்றால், அதை செய்யாமல் இருப்பதே நல்லது என்று பரிந்துரைக்கிறோம்.

07. Instagram - அநாமதேயமாக இணைக்கப்படாத அக்கவுண்ட்டை உருவாக்குவதன் மூலம்!

டெஸ்க்டாப்பில் இருந்து தனி மின்னஞ்சல் ஐடியுடன் தனி இன்ஸ்டாகிராம் அக்கவுண்ட்டை உருவாக்கவும். எந்த புகைப்படங்களையும் சேர்க்க வேண்டாம், உங்கள் ப்ரொபைலை ப்ரைவேட் ஆக்கிவிடுங்கள், குறிப்பிட்ட ஐடியைப் பயன்படுத்தி பிறருடன் சாட் செய்யத் தொடங்குங்கள். இதற்கு உங்கள் மொபைல் நம்பர் மற்றும் பேஸ்புக் அக்கவுண்ட் சார்ந்த விவரங்கள் எதுவும் தேவைப்படாது.